Tunkar chhungin hmarchhakah Rahul campaign dawn

Congress President Rahul Gandhi chuan vawiin hian Lok Sabha inthlan atana hmarchhak campaign kick off a nei dawn nia tarlan a ni.

Congress Legislature Party leader Okram Ibobi leh state Congress unit President Gai­khangam-ten Delhi an tlawh zawh hnuah Inrinni khan rawn let lehin vawiin hian Manipur a tlawh dawn tih a sawi.

Gaikhangam chuan Gandhi programme hi sawiin vawiin hian Arunachal Pradesh aṭangin Imphal a pan leh dawn tih a sawi a, zanin hian a riak maithei niin a sawi bawk. Manipur-ah hian Hafta Kangjeibung-ah thu a sawi dawn a, chumi zawhah Tripura a tlawh leh dawn tih an sawi a ni.

Ibobi, Gaikhangam leh Congress hruaitu eng emaw zat chu kar liamta khan Delhi-ah kalin Lok Sabha inthlana an party candidate turte sawifelin meeting an nei a, Ibobi chuan Manipur seat pahniha an candidate tur pawh an tihfel tawh thu sawiin, thuneitu sang zawk ten an la puangchhuak dawn tih a sawi.

Manipur-ah hian LS inthlan hi thawh hniha neih a ni dawn a, April 11 hian thawh khatna neih a ni ang a, April 18-ah thawh hnihna neih a ni thung ang.