LS inthlanah Himata ding dawn lo: Kumar Das

Assam unit BJP president Ranjeet Kumar Das chuan an state finance minister Himanta Biswa Sarma chu Lok Sabha inthlan awm turah a ding dawn lo tih sawiin, candidate tur list aṭang pawhin a hming paih leh a nih thu a sawi.

Ranjeet Kumar Dass chuan Thawhṭanni khan sorkar laipuia an hotute, party president Amit Shah pawh telin Sarma, North East Democratic Alliance (NEDA) convenor ni bawk chuan hmarchhak puma parliamentary seat 25 awmte chu a thlithlai a ngai tih an sawi thu tarlangin, seat eng emaw bikah a inthlurbing thei lo tih a sawi a ni.

Himanta Biswa Sarma hi Tezpur constituecy-a ding tur anga sawi a ni a, Dass chuan party General Secretary, Ram Madhav-an Sarma hi Lok Sabha seat-a in candidate tur hian a rawn niin a sawi.

March 15 khan amah Dass pawh hian BJP hruaitute chuan Sarma hi parliamentary inthlana ding tur hian an duh thu leh Assam-ah ngei ding se a duh thu a lo sawi tawh a ni. Mahse Thawhṭanni khan Dass chuan Sarma chu hmarchhaka BJP state campaigner a nih avangin, a chunga mawhphurhna chu a sang hle tih a sawi. Hemi a nih avang hian parliamentary inthlanah hian ding lo se BJP tan chuan a ṭha zawl dawn niin a sawi bawk.