BJP in Congress aiin mipuite tan Hna thawk nasa: Manipur CM

Manipur Chief Mi­nister N. Biren Singh chuan BJP in kum hnih chhunga ro an rel tawh leh Congress in kum 15 chhunga ro an rel khaikhin chuan BJP chuan mipuite tan hna an thawk ṭha zawk hle tih sawiin, BJP hnathawh ṭhatte chu hmuh theihin a awm tih a sawi.

Kar tira political confe­rence, BASU ground, Khangabok a neiha thu a sawinaah Biren Singh chuan Congress in kum 15 sorkarna an siam chhung khan an tih zawng chu security force lak belh a nih thu sawiin, force-a lut turte hian hna an hmuh theih nan hian an ram an hralh niin a sawi bawk.

CM Biren Singh chuan Lok Sabha inthlan­ah pawh hnehna an chan ngei dawn thu a sawi bawk a ni.

BJP kaihhruai sorkarin Manipur-a thuneihna an chan khan state in harsatna nasa tak an tawh lai a nih thu sawiin a hnu lawkah Churachangpur buaina leh kawng dante pawh meeting an neih hmanga chinfel a nih thu a sawi.

Sorkarna an chan tirh khan Churachandpur district-a ruang pariat ni 600 chuang phum loha a awm vanga buaina leh, national highway thla thum aia tam dan a nih lai a nih thu sawiin, heng buainate hi an chingfel vek tih a sawi a ni.