LS-ah kick boxing player hlui ding dawn

Meghalaya Kick boxing player hlui Samuel Hahshah chuan Nilaini chawhnu khan East Khasi Hills Deputy Commissioner, Abhishek Bhagotia hnenah Lok Sabha inthlana candidate turin nomination a file.

Samuel Hahshah hi Independent in a ding dawn a, Congress Shillong MP vawi hnih ni tawh Vincent H Pala leh sorkar lai MDA nominee leh UDP hruaitu Jemino Mawthoh-te nen an inkhing dawn a ni.

Samuel Hahshah hi Meghalaya aiawha kick boxing-a vawi tam tak chhuak tawh a ni a, Shillong parliamentary seat-ah a ding ve dawn a ni. A agenda pawimawh ber chu Assam nena ramri chungchanga an buaina leh controversial Citizenship Amendment Bill (CAB)-te an nih thu a sawi.

CAB chu na taka a dodal thu sawiin, state sorkarte hnenah pawh ram neitute humhim a pawimawhzia hriattir a duh thu a sawi bawk.