Int’l Democratic Goodwill Ambassador atan Bidhya Das ruat

Korean Development Foundation (KDF) chuan Shillong-a seinor journalist leh writer Bidhayak Das chu International Democratic Goodwill Ambassador hmasa ber atan a ruat.

South Korea sorkar hnuaia nonprofit organisation, KDF hi kum 2001, November 12 khan Korean Democracy Foundation Act hnuaiah din a ni. KDF chuan Das hi democracy chawinunna atana a tha thawh te avang leh, ram chhunga democracy tungding tura inpete a chawimawi leh ngaihhlut thiam avangin ambassador atan hian an ruat a ni.

Bidhayak Das hi Shillong mi miin, kum 30 chhung chu ram 40 chuangah journalist, researcher leh democracy activist angin hna a lo thawk tawh a ni. Kum 2008-2018 chhung khan Myanmar-ah international NGO leh media group-te tan a lo thawk tawh a, hemi chhung hian south-east Asian ram hrang hrangah a thawk bawk. Afghanistan leh Nepal-ah pawh hun eng emaw chen a awm a ni.