Assam-ah hri kai thar 1,367 awm Kumb Mela-a tel mi 16 in hri kai

Assam state-ah Thawhṭanni khan hri kai thar mi 1,367 awmin hripui vanga thi mi pasarih an awm belh leh bawk. Hri kai hmuh chhuah thar zingah hian Kumb Mela-a tel mi 16 an awm tel bawk a ni.

Thawhṭannia hri kai hmuh tharte nen Assam-ah hian Covid-19 kai hmuh tawh hi 2,25,822 an tling tawh a, an zinga 1,142 in an thihpui tawh bawk. Hetih lai hian National Health Mission (NHM) chuan Covid-19 hri kai thi tawh zat hi 1,347 niin a sawi a, thi zinga ṭhenkhat chu natna dang an neih tel avangin sorkar hnuaia Death Audit Board chuan hripui vanga thi angah a chhiar tel lo a ni, a ti.