CAB vangin BJP vote tlakchhiat phah dawn lo : Sanbor Shullai

Meghalaya-a South Shillong MLA leh BJP MP candidate Sanbor Shullai chuan Inrinni khan Congress candidate Vincent Pala leh MDA aiawh Dr Jemino Mawthoh-te chu Lok Sabha inthlanah a hneh ngei a rin thu a sawi.

Sanbor Shullai chuan mipuite chuan an vote ngei a rin thu sawiin, candidate a nih dawn thu puan a nih hnu lawka media miten an kawmnaah an party thuneitute thutlukna chuan a tihlim hle tih a sawi bawk.

CAB boruak in BJP vote hmuh tur a tichhe dawn em tih zawhna chu chhangin Shullai chuan a tlakchhiat phah dawn lo tih sawiin, Delhi-a kala bill dodalna thu memorandum thehluh a nih hmasak ber ṭuma MLA zinga a kaihruaitu hmasa ber anih thu a sawi. Mipui aiawh a nih thu leh mipuite duhdan chu a duhdan a nih thu a sawi a ni.

Health Minister AL Hek pawhin Shillong seat chu an lak ngei a rin thu sawiin grassroot level aṭangin hna an thawk tih a sawi.

Sanbor Shullai hi Shillong Parliamentary seat-ah BJP aiawhin a ding dawn a ni.