Sikkim-ah April 30 thleng school khar

Hri lengin zual lam a pan zel avangin Sikkim chief minister Prem Singh Golay chuan an state-a school-te chu April 30 thleng khar an ni dawn tih a puang.

Sikkim sorkar hian a hmain Covid-19 hri leng vangin zirna inte hi April 20 thleng khar turin thupek a lo tichhuak tawh a, mahse boruakin ziaawm lam a la pan theih loh avangin April 30 thleng atan a pawtsei leh a ni.

Chief Minister chuan sorkar office-ah pawh vawiin aṭangin thawktu 50% chin zel kal tur a ni tih a sawi bawk a, office kal dan tur chungchang chu department hotuten an ruahman ang.

Home department chuan Tashiling secretariat-a official pahnihin hri an kai tih hmuh chhuah a nih avangin secretariat hi contaiment zone-ah a puang a ni.