ULFA-in ONGC hnathawk pathum ru bo

United Liberation Front of Asom-Independent (Ulfa (I) helpawl chuan Assam-a Charaideo district aṭangin nimin zing khan ONGC hnuaia thawk mi pathum an rubo.

Police-te chuan hel pawl member pali/panga vel hian nimin zing dar 1:30 vel khan Lakuwa-a ONGC oil field aṭangin hnathawktu pathum - Mohini Mohan Gogoi, Alakesh Saikia leh Ritul Saikia-te ruk bo an ni tih an sawi. Mi pathumte hi rukbo an nih hnuah ULFA hian ONGC thuneitute hi biain an hriattir a ni.

ULFA hian nikum December 21 khan Arunachal Pradesh-a Changlang district aṭangin Quippo Oil and Gas Infrastructure hnuaia thawk mi pahnih an lo ru bo tawh bawka, mahse an mi rukbote hi April 3 khan an chhuah a ni.