East Khasi Hills-ah zan lam curfew pawtsei

Meghalaya sorkar chuan East Khasi Hills district bikah hri leng avangin zan lam curfew a puan chu November 7 thleng a pawtsei. 

District Magistrate Isawanda Laloo chuan zan curfew hian zan dar 10 aṭanga a tuk zing dar 5 thleng a  huam tih a sawi a, sorkarin hri darh tur venna atana dan a siamte khauh taka kenkawh chhunzawm zel a ni dawn tih a sawi. 

Meghalaya-ah hian Inrinni khan Covid-19 vangin mi pakhat a thih belh leh a, hripui vanga thi hi mi 88 an tling tawh a ni. Hri kai hmuh chhuah hi 9,452 an tling tawh a, an zinga 8,345 chu enkawl dam an ni tawh. East Khasi Hills hi district zinga hri kai tamna ber a ni a, hri kai enkawl mek hi an district bikah mi 438 an la awm a ni.