Arunachal Pradesh : Papum Pare-a MLA in mipuiin suasam

Arunachal Pradesh-a Papum Pare district-a sitting Yachuli MLA Likha Saaya chenna in chu mipui thinrimin Pathianni tlaiah khan an suasam a, bungrua eng emaw zat an hal.

Report ṭhenkhatin an tarlan dan chuan Saaya in suasamtute hi amah thlawptute an ni a, assembly inthlan awm tura a inhnuhdawh avanga an lungawi loin a bungrua-te chu tichhia in, a chenna chhehvela bungraw awmte chu an hal ta tih an tarlang bawk.

Corridor-a furniture-te chu a kang chhe vek tih tarlan niin, MLA chenna in darthlalangte pawh lung hmanga nasa taka vawm a ni bawk. Capital SP Tumme Amo chuan darthlalang keh a tam thu sawiin, chair tam tak pawh hal chhiat a nih thu a sawi.

Tumme Amo chuan boruak chu thunun a nih thu sawiin pawi­khawihtute hian in­ chhungah tak chuan engmah an hal lo tih a sawi a, venhimna khauh taka kalpui a nih thu a sawi bawk.