AP-a district 15-ah internet service titawp

2nd November, 2020

Arunachal Pradesh State Public Service Commission-in nimin khan combined competitive examination a buatsaih avangin, exam neih chhungin district 15-ah internet service tihtawp lailawk a ni.

Home Commissioner Klaing Tayheng thupek angin Service Combined Competitive Examination (APPSCCE) neih a nih chhungin district 15-ah hian zing dar 8 aṭanga tlai dar 4 thleng internet service hi tihtawp a ni. Hei hi telecom service kaltlanga exam kaihhnawih thilte inthawndarh a nih lohna atana tih a ni.