AP an rama chhiar loh vangin China in khawvel map 30,000 tichhia

Lok Sabha leh Assembly inthlan awm turin India ram boruak a chiah mek laiin, China Customs official-te chuan an ramchhunga khawvel map 30,000 chu Arunachal Pradesh leh Taiwan te an ram china rin luh a nih loh avangin an tichhia niin media report ṭhenkhat chuan an tarlang.

China hian Arunachal Pradesh hi a ram chin, South Tibet hmun pakhatah a chhal a, India sorkar hruaituten an tlawh pawhin a sawisel fo tawh a ni. Hetih lai hian India chuan Arunachal hi a ramchhung ngei a ni tih sawi foin, Arunachal an tlawh China in a sawisel pawh hian an dem hle ṭhin a ni. China chuan Taiwan pawh hi an ram chinah an chhiar bawk.

India leh China hian Line of Actual Control (LAC), km 3,488 zeta thui an inchuh avang hian vawi 21 lai inbiakna nei tawhin, inremna an siam hleithei lo a ni.

China state media Global Times chuan Thawhlehni khan an ram customs official-ten an tihchhiat map-te hi ram danga thawnchhuah tur a nih thu an tarlang.

International Law of China Foreign Affairs University professor, Liu Wenzong chuan China in map a tichhia chu thil tihtur awm tak leh thil ṭul tak a ni tia sawiin, an ram inpumkhat nan a pawimawh hle tih a sawi. Taiwan leh South Tibet hi China ram, international law aṭang pawha an ram chin ngei a nih thu a sawi a ni.