Nagaland-ah zu Rs vbch 1 man hu tichhia
Assam Rifles leh Nagaland excise department-te chuan dan loa zu zawrh cheng vaibelchhe khat man hu manin an tichhia a, mi 175 lakah thubuai an ziaklut bawk.
Official-te chuan Thawhlehni khan he thu hi tarlangin Lok Sabha inthlan an hmachhawn tur atana hma an lakna kawng khat a nih thu tarlan a ni.
Commissioner of Excise, Nagaland, Tarep Imchen chuan March 12 leh 25 inkar khan excise mite chuan state chhung hmun hrang hrangah dan loa zu zawrh dap beihpui hi an thlak tih a sawi.
Ramdang zu Litre 2078 an man bakah ramchhunga siam litre 8033 an man bawk a, zu bakah hian khuh damdawi eng emaw zat an man bawk.
Inspector General Assam Rifles(North) PRO, Lt Col L Vincent Patton pawhin March 23 khan beihpui an thlaknaah ramdang zu case 2,294 an man tih a sawi ve bawk a ni.