Manipur-ah Rahul, Priyanka Gandhi leh Bihar CM-te campaign dawn

Tripura ang bawkin Manipur Congress pawh­in star campaigner-te thehchhuah an tum nasa hle a, chung zingah chuan Congress president Rahul Gandhi, party general secretary Priyanka Gandhi Vadra-te an tel bakah NCP chief Sharad Pawar leh Bihar Chief Minister Nitish Kumar-te pawh an party tan an campaign dawn a ni.

Nilaini-a thuchhuah an siamah state Chief Electoral Officer chuan Congress chuan star campaigner tur list, hming 40 awmna an thehlut tih an sawi.

Manipur-ah hian par­liamentary seat pahnih a awm a, Outer leh Inner Manipur-a ṭhenhran niin, inthlan hi thawh hnihah an nei ang. April 11 hian thawhkhatna an nei dawn a, April 18 hian a thawh­hnihna an nei thung ang.

Nationalist Congress Party (NCP) pawhin star campaigner 29 hming an tichhuak tawh a, chung zingah chuan Rajya Sabha MP Sharad Pawar pawh a tel a ni. NCP hian Outer Manipur seat-a ding turin Angam Karunga Kom an thehchhuak a ni.

Bihar Chief Minister leh JD(U) president Nitish Kumar pawh Manipur-a campaign tur zingah hian a tel a, JD(U) hian Outer Manipur seat-a ding turin Hangkhanpau Taithul an thehchhuah ve thung a ni.