Sikkim: Candidate 71 in enfiahna paltlang

Sikkim Assembly in­thlanna tur atana nomina­tion file-te en­fiahna chu Thawh­lehni khan neih a ni.

Returning Officers Kapil Meena leh Bharani Kumar-te chuan East DAC, Sichey-ah East Sik­kim-a Assembly constituecy 12 leh Sanga seat pakhat atana nomination lutte an enfiah a, IPR in thu­chhuah an siamah chuan General Observer- Pankaj Agarwal, Mousumi Chat­taraj Chaudhuri, Ameya Abhyankar leh B. Ram Sashtri-te awm laiin en­fiahna hi kalpui a nih thu an tarlang.

Nomination lut 71-te chu pawm an nih bakah, Lok Sabha seat khat awm inchuh tura nomination lut 11-te pawh pawm vek an ni bawk.

Heng nomination file-te hi nimin tlai dar 3 thleng khan an inhnuhdawh phalsak a ni.