Nagaland : Board exam thei lote tan exam hun tur siamsak dawn

Nagaland-a High School Leaving Certificate (HSLC) examination neih zawh tak leh, Higher Secondary School Leaving Certificate (HSSLC) examination neih mekah Covid-19 hri kai vanga exam thei lote tan Nagaland Board of School Education (NBSE) chuan exam hun tur a siamsak dawn.

NBSE chuan Ningani khan hemi chungchanga thuchhuah hi siamin, hri kai vanga exam thei lote chu test nawn leh an nih huna negative report an neih chuan exam hun tur hi a siamsak leh dawn tih a sawi. Board exam neih leh hun tur leh, exam theihna tur centre hming a tichhuak dawn a, hemi atan hian zirlaite hian a hrana fee an chawi a ngai lo ang.

Zirlaite hian Board hnenah exam dilna hi thehlutin, an admit card photocopy an thehluh tel a ngai thung ang.