Nagaland: NPP candidate bo - a in hnukdawk

Nagaland-a National People's Party (NPP) can­didate, Aonglenden assembly by-poll-a party aiawha ding tur Tinujungshi Longkumer chu a bo thu in media a luahkhah hnu lawkah, by-election can­didate a nihna aṭangin a in­hnuhdawh thu a darh leh.

Tinujungshi Longkumer-a lehkhathawn, March 26-a thawn nia inziak chu Ningani khan thehdarh niin, he leh­khaah hian Longkumer hian 26 Aonglenden assembly constituency by-election aṭanga a inhnuhdawh thu a ziak a ni. Longkumer hi he lehkha a ziahni nia tarlan, Thawhṭanni aṭang hian chian hriat lohin a awm a ni.

NPP Nagaland state unit chuan Nilaini khan police hnenah FIR thehlutin an party candidate a bo thu hi an tarlang a, nomination a file hnuah biak pawh theih lohin a awm chhunzawm tih an sawi.

Lehkhathawnah hian Longkumer chuan formal leh a kalphung dik takin candidate a nihna aṭangin a inhnukdawk tih ziakin, chief minister Neiphiu Rio leh party president Chingwang Konyak-te kaihhruaina hnuaia ding NDPP candidate Sharingain chu a thlawpin tih a ziak.

A inhnuhdawh chhan pawh ziakin PDA sorkar an chak zawk theih nana ti a nih thu a ziak bawk a ni.

Hetihlai hian NPP hruaitu hlun pakhat chuan Longkumer chu an rin thu leh, a bo hnu khan NDPP lam a awn nia an hriat thu a sawi a, mahse a kaihhruai mipuite chuan in hnukdawk lo tura an duh thu an sawi tih a sawilang bawk.

Hetihlai hian eptu party Naga People’s Front (NPF) Toshipokba Longkumer pawh Aonglenden constituency aṭang hian a inhnukdawk ve bawk. Ani pawh hian NDPP chu a thlawp tih a sawi a ni.

Hetiang a nih takah chuan he seat inchuh tur hian Cong­ress candidate Alem­jong­shi Longkumer leh NDPP Sha­ringain Longkumer-te chiah hi an inkhing dawn ta a ni.