Assam-a air passenger 98-te Covid-19 test duh loin tlan bo

Assam-a Cachar district-a thlawhtheihna hmanga lutte chu Silchar airport-a an ṭum hnuah damdawi-ina Covid-19 test neih tur chu duh loin an tlan bo tih health department official chuan Inrinni khan sawi.

Heng passgener-te hi Zirtawpnia thlawhtheihna hmanga Silchar aiport-a ṭum an ni a, hemi hma ni hnih liam taah khan he airport-ah vek hian passenger 385-te chuan harsatna siamin, Covid-19 test nei loin an lo tlan bo tawh bawk.

Assam sorkar chuan hri leng a hluar leh tak avangin thlawtheihna hmanga an state-a lutte chu airport-ah thlawnin Rapid Antigen Test a lo neihsak vek a, RAT negative chu Rs 500 sengin RT-PCR test tih leh vek tura tih an ni.

Silchar-a Kum­bhirgram airport-a ṭumte hi airport-ah RAT test neihsak niin, RT-PCR hi airport bula Tikol Model Hospital-ah test tir an ni.

Zirtawpni khan flight hrang hrang hmangin Silchar airport-ah hian passenger 511 an thleng a, an zinga 76-te erawh chu hmarchhak danga haw nghal tur an nih avangin test ve kher loin kaltir an ni tih district media expert Suman Choudhury chuan a sawi. Mi dang 337-te chu Tikal Model Hospital-ah test tura tih an nih laiin, an zinga 98 chu an tlanchhia a ni, tiin official chuan a sawi. Damdawi-ina RT-PCR test neihsak zinga mi paruk chu an positive tih hmuh chhuah a ni bawk.