Thil man tisang dawrte kharsakah KSU-in vau

Meghalaya-a zirlai pawl lian ber, Khasi Students' Union (KSU) chuan hri leng vanga harsatna hrang hrang an tawh mekah, dawrkaite chu an thil zawrh man tisang lo turin an hriattir.

Mipuite mamawh, a bikin chakkhai zuartute chu thil man tisang lo tura hriattirin, KSU chuan an member-te chuan an vil reng dawn tih an sawi. A man pangngai aia toa lo hralh an hriatchhuahte chu an dawr an kharsak nghal tur thu an sawi a ni.

KSU chuan hri leng dona kawnga district thuneitute chu theihtawpa an thawhpui zel tur thu an sawi bawk.