Nagaland-in Covid-19 vaccine dose khatna pek titawp
Nagaland sorkar chuan Covid-19 vaccine a ngah tawk loh avangin vaccine dose khatna pek tur chu a titawp rih a, dose hnihna la tur chin chauh a pe thei rih tih official chuan a sawi.
Health and family welfare department principal director, Dr Kevichusa Medikhru chuan vaccine hi dose 60,000 vel stock an la nei tih a sawi a, an neihsa hi dose hnihna la turte tan dah a ni tih a sawi.
State immunisation officer Dr Ritu Thurr chuan vaccine hi mi 1,42,715 hnenah pek a ni tawh tih sawiin, an zinga 36,634 chuan a dose hnihna an la fel tawh tih a sawi bawk. Vaccine pek tawh zingah hian frontline worker 46,634 leh healthcare worker 14,053 an tel.