Hmarchhakah oxygen plant thar 13 siam dawn

Sorkar laipui chuan hmarchhak state panga-ah oxygen generation plant thar 13 siam a remti.

Official chuan Meghalaya, Nagaland leh Mizoram-ah oxygen plant hi pathum ṭheuh siam a ni dawn a, Arunachal Pradesh leh Manipur-ah pahnih ve ve siam a ni bawk dawn tih a sawi. Heng plant 13 siam tur hi sorkar laipuiin PM CARES Fund hmanga ram chhung hmun hrang hranga Pressure Swing Adsorption (PSA) medical oxygen generation plant 551 siam a tum zinga an tel.

Meghalaya-a oxygen plant-te hi East Khasi Hills,West Garo Hills leh West Jaintia Hills district-ah siam an ni dawn. Mizoram-ah chuan Aizawl, Champhai leh Lunglei district-ah siam an ni dawn a, Nagaland-ah chuan Dimapur, Kohima leh Mokokchung district-ah siam an ni dawn tih official chuan a sawi bawk.