NHIDCL-in Nagaland tan ambulance 24 pe

National Highway Infrastructure Development Corporation Limited (NHIDCL) chuan Nagaland hnenah life support ambulance 24 a pe a, heng ambulance-te hi Thawhlehni khan chief minister Neiphiu Rio chuan Kohima-a Civil Secretariat Plaza-ah a tlangzarh.

Ambulance-te hi air condition vek niin, oxygen cylinder, cardiac monitor, power back up, defibrillator, stretcher leh emergency-a hman tur mamawh dangte nen thuam vek an ni. Mamawh dan azirin district hrang hranga sem a ni ang.

Health and family welfare department-a principal director Dr Kevichusa Medikhru chuan an state-in ambulance 80 chauh an neih thu leh, heng zinga 50% chu kum 10 chuang hman an ni tawh tih a sawi. NHIDCL-in ambulance 24 a pe chu lawmawm a ti takzet tih sawiin, hei hian an state healthcare system pawh a tihchak phah tur thu a sawi.

Chief Minister pawhin NHIDCL chu lawmthu hrilhin, state health infracstructure tihchangtlunna tura ambulance ṭhahnem tak an pek chu an lawm hle tih sawiin, health department hnenah pawh ambulance hluite chu uluk taka enkawl chhunzawm zel turin a chah bawk.