Manipur-Myanmar border-ah bungrua Rs vbc 4 hu man
Manipur-a security force-te chuan Thawhlehni khan dan loa Myanmar ram aṭanga bungrua lakluh cheng vaibelchhe li hu an man.
26 Assam Rifles-a Chandel leh Tengnoupal battalion-te chuan ramri kaltlanga dan loa bungrua lakluhte dapa beihpui an thlaknaah heng bungruate hi hmun pahnihah an man.
Chandel battalion hian Chandel district-a Angbreshu leh New Songyang bulah bungraw phurtu motor panga leh a neitu mi pasarih an man a, an bungrua hlut zawng hi cheng vaibelchhe 1.36 nia chut a ni. Tengnoupal battalion hian Tengnoupal khaw bul ramhnuaiah mi pahnih leh an bungrua an man bawk a, an bungraw man hi cheng vaibelchhe 3.26 man a ni.
Security force te hian bungrua leh a neitu an mante hi Chandel police station-ah an hlan nghal a ni.