Tripura sorkarin public transport fare tihpunna tur pawm

Tripura sorkar chuan state chhunga public transport hrang hrang fare, 20-25% a tihsanna tur a pawm.

Transport minister Pranajit Singharoy chuan public transport fare tihsan a nih hnuhnunna ber chu kum 2018, July thla kha a ni tih a sawi. Hemi hnuah fuel leh CNG mante bakah tyre leh insurance rate-te a pung vek tawh a, transport hnathawkte hlawh pawh tihsan a ni tawh a ni, a ti. Hei vang hian hun rei tak fare ngai an man hnuah tihsan hi a hun ve tawh a ni, a ti. Minister chuan fare thar hi hman nghal a ni dawn tih a sawi bawk.

Fare tharah hian bus pangngaia passenger fare, km khata paise 58 chu paise 73-ah tihsan a ni a, minibus service-ah paise 72 aṭangin 90-ah tihsan a ni bawk. AC bus fare erawh tihdanglam a ni lo a, km khatah rs 1.22-a hman chhunzawm a la ni ang. Auto rate chu km khatah Rs 10 niin, waiting charge chu minute 5-ah Rs 5 a ni ang.