Meghalaya CM-in an state dinhmun a ṭha lo tih a sawi

Meghalaya chief minister Conrad K Sangma chuan Covid-19 hri leng thawh hnihna thleng mekah an state dinhmun chu a ṭha lo hle tih a sawi.

CM hian state dinhmun thlirin official-te review meeting a neihpui a, he hunah hian a bulṭhut aṭanga hri leng dona tura hma lak ṭhat a ṭul dante an sawiho a ni.

Sangma chuan state hrang hrangah hri leng a hluar leh mek avangin state dang aṭanga hawte chu an sample test result negative mah se, ni sarih chhung inkhung hrang zel turin a ti. Tun hnaia state pawn aṭanga haw zinga 65% chuan hri hi an kai a ni. Hri darh tur venna atana sorkarin kaihhruaina a siamte chu zawm tha tur a ngenin, vaccine la thei tur bithliah chinte pawh a hma thei anga la thei turin a ngen bawk.

Chief Minister chuan, "Kan state dinhmun hi a ṭha lo hle a ni. Kan hun tawn mekah kan vaia ṭha taka hma kan la lo a nih chuan, dinhmun chhe zawkah kan awm thuai dawn a ni," a ti.