Assam CM-in state chhunga hri leng dinhmun sawipui

Assam chief minister Sarbananda Sonowal chuan Nilaini khan official-te chu consultative meeting neihpuiin, an state chhunga hri leng dinhmunte a sawipui.

Meeting hi Khana­para-a Assam Adminis­trative Staff College-ah neih a ni a, he hunah hian sorkar hnuaia senior official-te bakah Army, Air Force, BSF, CISF, NDRF, SSB, CRPF, Airports Authority of India (AAI), NF Railway, ONGC, OIL, IOCL leh Guwahati Refinery aiawhte an tel bawk.

Chief Minister chuan an state-in hri leng vanga dinhmun harsa zawk an tawh chhoh palh thulha medical infrastructure lam lo inpeih dante ngaihtuah turin meeting hi ko a nih thu a sawi.

"Nikuma hri leng­ah khan health infra­structure-te tichang­tlungin hlawhtling takin kan do let thei a ni. Mahse tuna a thawh hnihna thleng mek hi hma aiin a thawk na a, ram chhungah pawh harsatna lian tak a thleng mek a, hei vang hian Assam pawh theihtawpa a lo inbuatsaih lawk a ngai a ni. Hripui leng mek do tur hian kan vaia theihtawp kan chhuah tlan a ngai a ni," tiin CM chuan a sawi a ni.

State chhunga stake­holder leh agency hrang hrangte pawh an theih anga sorkar thawhpui zel turin a chah bawk.