Sikkim Governor-in Covid-19 hri a kai

Sikkim governor Ganga Prasad chu Covid-19 vaccine dose hnih a lak hnuah hri hi a kai tih hmuh chhuah a ni.

Governor Prasad hi kum 85 mi niin, March 3 khan Covid-19 vaccine dose khat a la a, a dose hnihna chu April 9 khan a la zo tawh bawk. April 10-ah Bihar-ah zinin April 15 ah Sikkim-ah a kir leh. April 27 khan hri a kai tih hmuh chhuah a ni.

Prasad chuan social media-ah hri a kai thu hi sawiin, mipuite chu fimkhur tur leh, tun hnaia amah nena inhnaihvaite chu inkhung hrang a, in test ve nghal turin a ti bawk. Mild syptom a neih thu sawiin, inah doctor-te enkawlna hnuaiah a inkhunghrang mek tih a sawi.