CBI-in Railways officer leh Contractor lakah Thubuai thehlut

Central Bureau of Investigation (CBI) chuan Northeast Frontier Railway (NFR) hnuaia Silchar-Sairang (Mizoram) railway line project thawhnaah sum lamah thil dik tawk lo a awm nia sawi a nih vangin railways officer leh contractor lakah thubuai a thehlut. 

Assam Tribune-in a tarlan danin, CBI hian Shillong-a Anti-Corruption Branch-ah Prevention of Corruption (PC) Act, 1988 leh Indian Penal Code (IPC) hnuaiah FIR a thehlut a ni. PC Act Section 17A hnuaia Railway Board pawmpuina a lak hnuah thubuai hi a thehlut a ni. 

FIR thehluha tarlan danin, NFR chuan major work panga thawhna atana contractor chu a hna thawhna tur phu loa tam sum an pe  nia sawi a ni, heng zingah hian tunnel pahnih siamna te, Bairabi leh Sairang inkara lei siamna turte a tel. CBI chuan FIR-ah hian NRF official hming pathum an tarlang a, deputy chief engineer hlui, assistant leh assistant finance advisor-te an tel.

Railway official-te chu contractor, Nayak Infrastructure Pvt Ltd-in a hnathawh dan nen inmil loa sum tam tham tak a bill-na, Price Variation Clause (PVC)  hnuaia a thehluh chu endik ṭha loin, a bill chu pass  tura an tih avangin railways chuan cheng vaibelchhe 7.81 vel a hloh phah nia sawi a ni.