Tripura-a hri kai tam ber kum 20-40 inkar

Tripura-a Covid-19 hri leng thawh hnihna thlenga hri kai tam ber chu kum 20-40 inkar an ni tih state health department chuan a sawi. Anni bakah naupang kum 10 hnuai lam pawhin hri leng thar leh hi an tuar nasa bawk tih a sawi.

National Health Mission state director Dr Siddhartha Shiva Jaiswal chuan hri leng thawh hnihnaah hian kum 60 chung lam chu an rin aiin an him ṭha a, hetih lai hian kum naupang zawk, vaccine la la bawk si lote chuan hri hi an tuar na bik nia a lan thu a sawi.

Tripura-a hri leng thawh hnihnaa hri kai zingah kum 20-30 inkar 27.33% awmin, kum 30-40 inkar 23.46% an awm a, naupang kum 10 hnuai lam 1.95% an awm bawk a ni. Kum 50-60 inkar 14.59%, kum 60-70 inkar 8.12% leh kum 70 chung lam hri kai hi 3.48% an awm a ni.

Covid-19 vaccine dose khatna la tawh hi mi nuai 8.39 awm tawhin, an state mipui aṭanga 24% an tling. Kum 60 chung lam vaccine la kim tawh 3,34,81 an awm a, kum 45-59 inkar mi 4,28,873-in an la tawh bawk.