Sikkim-ah sorkar office khar dawn

Sikkim chief minister PS Golay chuan an state-ah hri leng thar leh mah se lockdown puan a ni dawn lo a, mahse May 3-7 chhung sorkar office-te khar an ni dawn tih a sawi.

State sorkar hian hri leng darh zel tur venna atan April 30 thleng sorkar office-te hi khar turin thuchhuah a lo siam tawh a, mahse hri kai tharin pun lam an pan zui zel avangin office khar hun hi a pawtsei leh a ni.

CM chuan hri darh zel tur chhut chatna atana office-te hi khar an ni tih a sawi a, mahse complete lockdown puan erawh chu an state-in a tlin dawn lo tih a sawi. "Sumdawng tenau zawk, nitina an sum lakluh hmanga intungnung mi tam tak an awm. Complete lockdown kan puan chuan heng mite hian an tuar nasa dawn a ni," tiin, state economy thlenga a nghawng dawn avangin an ti thei lo tih a puang a, sorkar office khar phawt chu hmalakna pawimawh pakhat nia a lan thu a sawi.

Sikkim-ah hian sorkar hnathawk 50,000 chuang an awm a, sorkar office-te khar a, hnathawkte leh office dawr tura chhuak leh veivak tur dan a nih chuan hri darh tur venna kawngah a pui thei dawn niin an ngai a ni.