Kaziranga National Park-ah elephant safari chhunzawm tawh

Hripui leng vanga hun rei tak khar a nih hnuah Assam-a Kaziranga National park chu October 21 khan hawn a ni a, hawn a nih aṭanga ni 11 hnuah, Pathianni khan Park chhungah elephant safari pawh neih chhunzawm a ni leh ta. 

Oct. 21-a Park hawn a nih hnuah pawh ran pahnih, Kohora leh Bagori-ah jeep safari service chauh kalpui a ni. Mahse Pathianni aṭang khan sai 10 hmangin elephant safari hi kalpui chhunzawm a ni ve leh ta tih Park director P Sivakumar chuan a sawi. 

Sivakumar chuan Covid-19 safety protocol zawm a ngaih avangin seat pek chhuah zat pawh an titlem tih a sawi a, November 10 aṭang chuan Bagori range bikah mimal ta, saite pawh safari an neih phalsak a ni tawh dawn niin a tarlang.