Manipur-a RIMS Hospital-ah oxygen indaih lo

Manipur-a Regional Institute of Medical Sciences (RIMS) Hospital chuan Covid-19 hri kai enkawl tur an pun zel avang leh, damlote enkawlna tur oxygen indaih lohna a thlen mek avangin department hrang hrangte routine medical work neih chu May 1 aṭangin a titawp.

RIMS Hospital medical superintendent Prof Priyoskhakh Devi chaun oxygen indaih lohna a san zel avangin he thutlukna hi an siam thu leh, mipuite pawh an hriatthiam a beisei thu a sawi.

Manipur hian oxygen plant pahnih a nei mek a, chief minister N Biren Singh chuan oxygen an hnianghnar theihna atan Thoubal leh Churachandpur district-ah oxygen generation plant pahnih siam a ni dawn a, hengte hi ni 10-15 hnuah hman theih a nih tur thu a lo sawi tawh a ni.