Nagaland : Mipui hmuhah hmeichhe timualpho tu Mi pariatte kum khat tang turin hrem an ni
Nagaland-a Tuensang district court chuan mipuite hmuha hmeichhe pakhat mualpho taka siamtu, hmeichhia pariatte chu kum khat ṭheuh tang turin a hrem.
He thil thlen hun kum 2018 kha niin, pasal nei chunga ngaihzawng neia puh hmeichhe pakhat chu tribal customary law hmangin kangaroo court chuan thiam loh a chantir a ni. Hmeichhia pariatte hian court-in thiam loh a chantir hi a sam an tansak a, a thawmhnawte hlihsakin saruakin khawlaiah an kal tir a ni. Heng hmeichhiate hian an khua chuan hmeichhe uire hremna pekna dan hi an pass niin an sawi.
He thil thleng chungchang hi Tuensang district court chuan a ngaihtuah hnuah, hmeichhe pariatten an duhdan anga dan lekkawh a, uirea an puh chunga an chet dan chu a rawngin a hmanlai thil hle tih a sawi. Kum khat tang tura a hrem bakah Rs 3,000 chawi turin a ti bawk.