Tripura-ah Covid-19 hri chi hrang pathum hmuh a ni

Tripura sorkar chuan an state-ah Covid-19 hri inthlak danglam chi thum hmuh a nih avangin mipuite fimkhur zual turin a chah.

State sorkar chuan hri kai hmuh thar zingah India rama Covid-19 hri inthlak danglam pakhat, double mutant strain kai mi 11, Britain strain kai panga leh Africa rama hri chi hran hmuh chhuah kai pakhat an awm tih a sawi. Hei vang hian mipuite chu fimkhur zual a, sorkarin kaihhruaina a siamte ṭha taka zawm turin a chah.

State National Health Mission director Siddhartha Shiva Jaiswal chuan an state-a hripui leng thawh hnihna thleng meka a tuar nasa ber chu kum 20-40 inkar anih thu a sawi bawk. Hri leng darh zel tur venna kawng khat atan state pawn aṭanga motor, rel leh thlawhtheihna hmanga lutte pawh Covid-19 test neih sak zel an ni a, an state an luh hnuah pawh inkhunghrang tura tih an ni bawk.