Assam Congress president-in banna thehlut

Assam Congress president Ripun Bora chuan assembly inthlan neih zawh taka an party chet ṭhat loh chhanah mawhphurhna lain, party hruaitu a nihna aṭangin banna a thehlut.

Ripun Bora chuan Sonia Gandhi hnenah banna lehkha hi thehlutin, "Assam assembly election 2021-a kan party chet chhiat chhanah mawhphurhna lain Assam Pradesh Congress Committee president ka nihna aṭanga banna ka thehlut a ni. Theihtawp chhuaha rim taka kan thawk chungin, BJP leh RSS-ten inṭhendarhna leh chi bing politics an khelh kan dang zo lo chu a pawiin a lungchhiatthlak hle a ni," a ti. Rajya Sabha member ni lai, Ripun Bora hi a dinna bialah BJP candidate a hneh zo lo a ni.