Naupai laite tan special centre siam turin Manipur sorkar phut

Manipur State Commission for Women (MSCW) chuan an state-a Covid-19 hri leng a hluar chhoh leh avangin nu naupai lai leh nau nei mai turte himna ngaihtuah a, an puala special centre siam turin state sorkar a phut.

MSCW chairperson Binota Meinam chuan hri leng karah naupai lai in entir tura damdawiin kal leh, nau nei tura lutte chuan awlsam takin hri hi an kai thei a ni tih sawiin, hei vang hian an puala ruahmanna hran siam a ṭul tih a sawi.

Naupai lai, hri kaite enkawlna turin centre hran siam a ṭul thu leh, hri len lai leh lockdown puan laia nau nei turte pawh ngaihven turtein sorkar an ngen a ni.