Meghalaya-ah khuahkhirhna tikhauh

Meghalaya sorkar chuan an state-a hri darh zel tur venna atan khuahkhirhna khauh zawk a siam.

Deputy chief minister Prestone Tynsong chuan an state dinhmun thlira Thawhṭannia review meeting an neihah, Shillong khawpui huam chhunga ei chawp dawrte chu zan dar 7-ah inkhar tir vek tura an rel thu a sawi. Hei bakah hian Shillong-ah hian nizan aṭang zan dar 8 aṭanga a tuk zing dar 5 thleng curfew puan a ni tih a sawi bawk.

Shillong khawpui bakah Jowai, Tura leh Ri Bhoi-te chu hri kai an pun chak avangin Thawhṭanni aṭang khan ni 10 chhung atan containment area-ah puan an ni.

Deputy CM chuan damdawi-ina Covid-19 hri vanga thi ruang chu in lamah hawn phalsak ni mah se, mitthi vui­na kawnga sorkarin kaihhruaina a siamte chu zawm ṭha turin mipuite a ngen. Kuang hi in thlenpui a nih hnuah hawn phal a ni lo a, inchhungah lakluh khap a ni bawk.