ENSF-in Nagaland CM hnenah ni 13 hun pe
Eastern Naga Students’ Federation (ENSF) chuan Thawhṭanni khan chief minister Neiphiu Rio hnenah Nagaland Public Service Commission (NPSC) hnuaia 25% job reservation dah chungchang a taka kalpui tura an phut thu hriattirin, an thil phut tihhlawhtling tur hian ni 13 hun an pe.
State chhunga backward tribe paruk - Sangtam, Konyak, Yimchunger,Khiamniungam, Phom leh Chang hnam tana NPSC hnuaia hna lak 25% dah chu officer leh commisison-te chuan an palzut nia sawiin, heng mite chunga action la tura sorkar an phut thu an sawi bawk. CM chu an thil phut tihhlawtling turin May 15 thleng hun an pe a, hemi chhunga a tihhlawhtling lo a nih chuan na taka chet zui an tum thu an sawi bawk.
ENSF president L Sangtam chuan backward tribe paruk tana 25% job reservation siam chungchanga hriattirna hi kum 2008-ah tihchhuah a ni tawh a, kum 2009 aṭangin hman ṭan a ni, a ti. Mahse kum 2009 aṭanga kumin thlengin 25% quota siam chungchang hi commission lam chuan an namnul sak a ni tih a sawi bawk.
Commission chuan backward tribe tana hna chanpual dah an palzam sak mai an rin phak loh thu sawiin, hemi chungchangah hian an insawifiah pawh a phut tih Sangtam chuan a sawi.