Nagaland journalist-in Fetisov Journalism Award dawng

Nagaland journalist Manno Wangnao chuan ‘Contribution to Civil Rights category’-a chawimawina ngaihhlut tak, Fetisov Journalism Award (FJA-2020) a dawng. Nagaland journalist zinga he chawimawina dawng hmasa ber a ni.

Kum 36 mi, Wangnao hi cross-border investigative journalism 'Migrants form Another World'-ah telin, ram 14-a journalist-ten an thawkho a, khawvel ram hrang hranga illegal immigration network chungchang an chhui. An report-te hi nikum khan an tichhuak a ni.

Wangnao hi freelance journalist a ni a, Mon district-a Tizit khuaah chengin an district-a loneitute chu organic tea farming neih dante zirtirin a pui ṭhin. A hmalakna avangin nikum khan an district-a loneitute 14-te chu Jorhat-ah organic tea farming chungchanga training buatsaihah an tel a, Assam Tea Board puihnain loneitute hnenah khawl 180 sem a ni tawh bawk.