Sikkim-in state border khar vek dawn

Sikkim sorkar chuan May 16 thleng atan state chhungah hri darh tur venna atan khuahkhirhna khauh zawk siamin state ramri-te a khar. Sorkar office-te pawh khar vek an ni.

He khuahkhirhna hi nimin aṭang khan hman ṭan nghal niin; Rangpo, Melli leh Ramam border-te chu ni 10 chhung khar a ni dawn a, state chhunga district-te inkalpawh chungchangah pawh khuahkhirhna siam a ni bawk.

Punkhawmna buatsaih khap a ni a, hei hian innneiha pawh a huam tel. Mitthi vuina leh emergency dangah erawh chuan Block Development Officer leh SDM-te hnen aṭangin special permit lak a ngai dawn a ni. Sumdawnna leh dawrte chu zing dar 10 leh tlai dar 4 inkar hawn phalsak an ni a, Inrinni leh Pathianniah erawh chuan tumah inhawn phal a ni lo. Tlai dar 5 aṭanga a tuk zing dar 9 thleng curfew puan a ni bawk.