Assam-in COVID care coach buatsaih turin NFR ngen

Assam sorkar chuan Northeast Frontier Railway (NFR) hnenah Covid-19 hri kaite enawlna turin rel pindan 150 chu COVID care coach atana buatsaih turin a ngen.

Ministry of Railways chuan hri kai enkawlna hmun indaih loh zualna state-ten an ngen angin COVID care coach hi a lo siam tawh hlawm a ni. Isolation coach 4,000 pawh siam peih ni tawhin, hengah hian khum 64,000 dawn an awm thei.

COVID care coach siamna dan turte enfiahin, Nilaini khan Assam health minister Himanta Biswa Sarma leh NFR general manager Anshul Gupta-te chuan Gauhati Railway station an tlawh a ni.

Nagaland leh Gujarat state pawhin isolation coach hi siamsak turin an lo ngen tawh bawk a, Railway chuan an ngenna angin Sarbarmati, Chandlodiya leh Dimapur-ahte a dah tawh a ni. Dimparu Railway Station-ah Covid care coach 10 chu state sorkar hnenah hri kaite enkawlna turin hlan a ni tawh.

Singer Zubeen Garg-a'n CCC atan a in hman phal
Assam zaithiam lar, Zubeen Garg chuan Assam sorkar hnenah a in, chhawng hniha sang chu Covid Care Centre atana hmang turin a ti.

Guwahati-a Kahilipara-a an in, chhawng hniha sang chu CCC atana hman an remtih thu sawiin, hei hian hri kai enkawlna hmun indaih lohna awm mek pawh tlemin a lo chhawk ve theih tur thu an sawi. Hei bakah hian sorkarin hri dona kawnga a ṭul anga man turin an truck pahnih an hmantir dawn tih an sawi bawk.