Assam CM-in thil man sang tur veng turin DC-te a chah

Assam chief minister Sarbananda Sonowal chuan hri leng vanga state chhung khuahkhirhna siam a nih karah, sumdawng leh dawrkaite an thil zawrh, a man pangngai aia an tihsan tur veng turin DC tinte a chah.

Ningani khan CM video conference hmangin deputy commissioner, superintendent of police, medical college principal, health department-a joint director-te meeting a neihpui a, state chhunga hri leng dinhmunte an sawiho.

CM chuan DC-te chu hospital-te tlawh fo tur leh, Covid-19 hri kaite enkawlnaa infrastructure leh facility dinhmunte ennawn fo turin a ti a, damdawi-inah sorkarin damdawi a supply ṭha tawk em tihte pawh enfiah ṭhin turin a ti bawk.

Hri leng karah dawrkai leh sumdawng zingah an thil zawrh, a man pangngai aia lo tisang duh an awm ṭhin avangin DC-tinte chu chambers of commerce rawnin, an district huam chhunga thil man, a bikin nitin mamawh zawrh chhuahna man tur chu bithliah turin a ti bawk. Thil zawrhna man tura an bithliah siam aia toa zuar an awm lohna tura hma la zui zel turin a ti bawk a ni.