Nagaland-in non-development expenditure titlem dawn

Nagaland sorkar chuan an state-a Covid-19 vaccine a thlawna pek chhuah a nih theihna tur leh, hri dona kawnga mamawhte phuhrukna turin sorkar department hrang hrangah sum hman chhuah, non-development expenditure chu 20% in a titlem dawn.

Official chuan he ruahmanna siam hnuaiah hian travel and office expense, motor vehicle leh maintenance cost atana sum hman ral ṭhin, cheng vaibelchhe 47.68 vel chu an hum thei dawn niin a sawi.

"State mipuite hnena a thlawna Covid-19 vaccine pek chhuahna atan leh, hri dona leh a kaihhhnawih thila hman tur sum mamawh phuhrukna turin, sorkar chuan Budget Estimate 2021-22 aṭangin non-development expenditure chu 20% a titlem vek turin department hrang hrangte a hriattir a ni," tiin official chuan a tarlang.

Nagaland sorkar chuan kum 18-44 inkarte hnenah Covid-19 vaccine a thlawna a pek tur thu a lo puang tawh a ni. Vaccine hi an la dawng lo a, a thlen veleh mipui nawlpui tan pek chhuah ṭan nghal a ni dawn tih health official chuan a sawi bawk.