Covid-19 hri vanga nu leh pa chante Meghalaya university-in a thlawnin zirna pe dawn
Meghalaya-a Mahatma Gandhi University chuan Covid-19 hri vanga nu leh pa chan zirlaite chu a thlawnin zirna a pe dawn tih a sawi.
University vice chancellor Rajan Chopra chuan coronavirus leng vangin zirlai eng emaw zatin an nu leh pate an chan a, hei hian an zirna zel turah pawh harsatna an tawh phat a ni, a ti. Hei vang hian university chuan vanduaina tawk zirlaite tan hian an university-a course an neih, BA, MA, B. Pharm, D Pharm, Law, MLT, DMLT, BPT, MPT te chu a thlawnin an zir thei dawn a ni tih sawi a ni.
Heng zirlaite hi zirlaibu pawh a thlawna pek an ni vek dawn a, Excel Book Publication House a thlawna sem tur zirlaibute hi a pe dawn tih VC chuan a sawi.