Manipur-in oxygen concentrator 50 dawng

Manipur sorkar chuan Pathianni khan union ministry of health and family welfare hnen aṭangin oxygen concentrator 50 a dawng.

Oxygen concentrator-te hi India Air Force special flight hmangin Imphal Airport-ah phurh thlen an ni.

Manipur-ah hian hri kai an pun chak avangin damdawi-in hrang hrangte oxygen indaih lohna a thleng ṭan a, hei vang hian sorkar laipui chuan oxygen concentrator hi thawnin, hei hi stawte chhunga hospital hrang hrangah sem a ni ang.

Imphal-a private hospital, Raj Medicity hospital-ah Covid-19 block-a khum 100 zinga khum panga chu frontline worker, media mite huam telin, Covid-19 hri kaite enkawlna tur bika dah a ni. He hmunah hian frontline worker hri kaite chu a thlawn veka enkawl an nih tur thu hospital managing director H Rajen Singh chuan a sawi.