Assam-ah dawr 300 chuang kang ral

Assam-a Sonitpur district-aChowk Bazar-ah Pathianni khan kangmei a chhuak a, dawr 300 chuang a kang ral.

Official-te chuan Tez­pur-a Borghola Chariali-a kangmei chhuak hi bazar-a dawr pa­khatah short circuit vanga chhuak ṭan niin an sawi a, dawr dangte rang taka man kaiin reiloteah bazar pum a tuam a ni. Kang ṭhelh tur hian kangṭhelhtu 20 chuang tirh nghal an ni.

He bazar hi chhung­kaw 1,200 velin eizawnna atana an hman nia sawi a ni a, Pathianni vek khan bialtu MLA thar Prithviraj Rabha chuan bazar hi tlawhin, chhiatna thlen dante a enfiah nghal a ni.