Hmarchhak bialah khuahkhirhna kalpui mek

Covid-19 hri leng thawh hnihna thleng mekah hmarchhak state hrang hrangah hri kai an pun belh zel avangin, hri darh zel tur venna atan khuahkhirhna an kalpui mek.

Arunachal Pradesh
Thawhṭanni aṭang khan Itanagar Capital Region (ICR)-ah ni sarih chhung atan lockdown puan a ni. Hmun dangah lockdown hi puan ni lo mah se, khuahkhrihna hrang hrang erawh siam a ni.

Assam
Lockdown puan ni lo mah se, zan lam curfew leh chhun lamah pawh khuahkhirhna khauh tak siam a ni. Dawr leh office-te chu chawhnu dar 2-ah inkhar tir vek a ni a, zan dar 6 aṭanga a tuk zing dar 5 thleng curfew a ni.

Manipur
May 8 aṭang khan district pasarih-a complete curfew puan a ni. State pumah zan dar 7 aṭanga a tuk zing dar 5 thleng curfew puan a ni bawk.

Meghalaya
State sorkar chuan May 17 thleng East Khasi Hills district-ah lockdown a puang. State pumah weekend lockdown hman chhunzawm zel a niin, hei hian Zirtawpni zan dar 10 aṭanga Thawhṭanni zing dar 5 thleng a huam.

Mizoram
May 10 aṭanga May 17 thleng complete lockdown puan a ni.

Nagaland
Kohima khawpuiah May 5 aṭang khan zan lam curfew puan niin, zan dar 7 aṭanga tuk zing dar 6 thleng a huam.

Sikkim
May 6 thleng atan zan lam curfew puan a ni a, district-te inkalpawh khap a ni bawk. Sumdawnna hmunte zing dar 10 aṭanga tlai dar 4 thleng hawn phalsak an ni a, mahse Pathianni leh Inrinni-ah erawh an inhawn khap a ni. He thupek hi May 16 thleng hman a ni ang.

Tripura
Local leh urban body bakah nagar panchayat area zawng zawngah May 4 aṭang khan zan lam curfew puan niin, zan dar 6 aṭanga a tuk zing dar 5 thleng a huam.