Vawiin aṭangin Nagaland-ah total lockdown puang

Nagaland state pumah vawiin aṭangin ni sarih chhung total lockdown puan a ni.

Thawhlehnia chief minister Neiphiu Rio hoa high-powered committee (HPC) meeting-ah total lockdown puan hi an lo rel tawh a, vawiin aṭangin kalpui ṭan a ni ang.

Lockdown puan chhung hian health and family welfare department chuan Covid-19 positive contact tracing ngawrh taka tiin, test pawh a tam thei ang neih an tum dawn tih sorkar thupuangtu, minister Neiba Kronu chuan a sawi.

Nilaini khan Nagaland-ah hian ni khata hri kai hmuh thar tam ber ni thlengin, hri kai thar mi 338 an awm a ni. Hri kai mek hi 3,297 an tling tawh bawk. Nilaini vek hian hri vanga thi mi pakua awm lehin, an state-a hripui vanga thi hi mi 154 an awm tawh.