Sikkim HC-in insawifiah turin state sorkar hriattir

Sikkim High court chuan state chhunga damdawi-in hrang hranga Covid-19 hri kaite enkawlna tur khum ruahman a tlem chungchangah state sorkar chu insawifiah turin a hriattir.

Hri kai enkawlna tur khum dah tlem chungchangah advocate Jorgay Namka chuan High Court-ah PIL a thehlut a, hei hi justice Meenakshi Rai leh Bhaskar Raj Prad­han awmna division bench chuan a ngaihtuah a ni. State-a hri kai pun chak dan ngaihtuahin, STNM Hospital leh District Hospital hrang hrangah khum awm zat aṭanga Covid-19 hri kai puala khum dah hi a tlem hle a ni, a ti.

Court chuan state chhunga primary health centre leh sub-health centre hrang hrangah Covid-19 hri kai enkawlna tura an inbuatsaih dante pawh a ngaihtuah nghal a, heng hmunahte hian emergency-a hman tura oxygen supply mumal a awm hlawm lo nia sawi a ni.

PIL thehluhah hian hri dona kawnga hma­tawngtu zinga mi, hospital-a Grade III leh Grade IV te indaih lohna awm mek chungchangte, hemi chinfelna tura hma lak thuai a ṭul thute pawh tarlan a ni bawk.

Naktukah court hear­ing hi neih chhunzawm leh a ni ang.